|
Ammore 'e viecchio. Te l'allicuorde quanno core a core, ce n'jevemo pe' strade da città, cu 'o core ca vuleva sulo ammore, uocchie int' all'ucchie senza 'nce parlà?
Erano tiempe belle: a giuventù scarfava forte 'o sanghe dint' e vene. Mo chilli tiempe nun ce stann 'cchiù. Però nuie 'nce vulimmo sempre bene.
Ammore s'è accuitato? Arrassusia! Ma 'o sanghe va 'cchiù chiano, o vuò negà? E' sta vicchiaia ca l'ha strignuta a via, però st'ammore 'o votta e 'o fa passà.
dicimmo cose brutte e cu calore, però nuie chesti cose un 'e penzammo so' cose ca nun veneno da 'o core. |
torna a "poesie" home |